Missie

• Om leerders die geleentheid te bied vir deelname aan en prestasie in sportaktiwiteite en sodoende by te dra tot die totale opvoeding van die leerder.
• Om soveel moontlik leerders te betrek by die buitemuurse sportprogram.
• Om gekwalifiseerde afrigters, skeidsregters, beamptes en goed-afgerigte deelnemers te bewerkstellig.
• Om voldoende fasiliteite daar te stel vir die beoefening van sport.
• Om so te presteer dat die sportprogram ‘n bydrae maak tot die bemarking van die skool en karakterontwikkeling van ons leerders.

Sportetiek

As Charlies sportmanne en –vroue sal ons :

• onsself verbind tot die sportsoort vir die hele seisoen.
• te alle tye so optree dat dit tot eer van die skool en gemeenskap sal wees sowel as tot die gesonde uitbouing van ons volle potensiaal.
• die korrekte kleredrag by byeenkomste, kompetisies en tydens wedstryde dra.
• die beslissings van skeidsregters en beamptes respekteer en as finaal aanvaar.
• stiptelik wees in die bywoon van sportaktiwiteite, oefeninge, byeenkomste en vergaderings.
• geen vuiltaal en onsportiewe opmerkings gebruik nie.
• in nederigheid ons prestasies koester en dit as ‘n uitdaging aanvaar vir steeds hoër standaarde.
• met nederigheid wen en met grasie verloor.
• te alle tye met selfdissipline, sportmangees, entoesiasme en verantwoordelikheid sport beoefen tot die beste van ons vermoë.
• in spanverband met ons maats saamwerk.

Sportbeleid

Die sportbeleid is beskikbaar by die kantoor vir besigtiging.